torsdag 10. januar 2013

Lille ekorn av Linn T. Sunne

"Denne boka må du bare lese!" Ei litt forslitt oppfordring som vi har høyrt så mange gonger, sagt ja til - og så les vi ikkje. Men denne gongen, kjære lesar: DENNE BOKA MÅ DU LESA! Det er ei ungdomsbok, men det gjeld både for unge og vaksne. Det er ei lettlesen, spennande bok med godt driv, og dette fantastiske som nokre forfattarar får til; enkelt, tilsynelatende almindeleg, lett språk med heilt vanlege ord - ikevel så levande og gripande.

Aurora er 14 år, flink handballspelar - ja flink til det meste, og ei grei, real, vanleg jente. Ho er sjenert, forelskar seg ikkje i nokon av gutane på skulen. Men - ho har god kontakt med handball-trenaren Gaute, som er far til klasseveninna Dorte. Gaute er grei, oppmerksam, oppmuntrar og støtter henne. Dei sms-ar og Aurora er varm, glad og inspirert. Så bra! Det er jo slik det skal vera, det er jo det slik alle ynskjer seg - einkvan som bygger opp, støtter, trur på henne og ser den ekte jenta slik ho er - tvers gjennom sjenanse og avstand, og likar henne nett slik ho er. Men: Ho er 14 år og han er 38. Det er forferdeleg gale, Aurora blir lurt, ho har ingen sjanse til å forstå kva som skjer, og dette blir katastrofalt for mange sine liv. Og det er Gaute sin feil.

Ei god og forståeleg skildring, spennande og lett å leve seg inn i. Ei tankevekkjande bok for alle i vår tid.

Ingeborg, 13 år skriv dette etter å ha lese boka:
"Jeg synes denne boka var veldig spennende, levende og fargerik. Veldig gode beskrivelser av hverdagen til Aurora og hennes situasjon. Til tider var boka litt grov, men det er det som bygger opp spenningen. Dette er en bok jeg ikke klarte å legge fra meg, måtte bare finne ut hvordan det gikk."

Boka fekk Brageprisen og her er juryens grunngjeving:
«Hun går inn i et vanskelig og vondt tema, men fristes ikke til å dvele ved det vonde. Sunne stoler på dramatikken som ligger i temaet. Og på en enkel, men nyansert måte åpner boken opp temaet for unge lesere.»

Lars Petter Sveen har interessante betraktningar her:
http://bokogbibliotek.no/index.php?option=com_content&view=article&id=1706:ei-grense-om-linn-t-sunnes-lille-ekorn&catid=111&Itemid=121

Anbefalt av Anne Kristin Rødal, Os bibliotek

Ingen kommentarer:

Legg inn en kommentar